ميراث من ليس له ولد و تقسيم التركة

من يرث الشخص الذي ليس له ولد أو بمعنى آخر لو شخص توفى و مالوش وارث فمن يرثه ؟ وكيف يتم توزيع و تقسيم الميراث و التركة؟ كل ده ح نوضحه من خلال هذا المقال.

أولا: مين هم الورثة اللي نص عليهم الشرع و القانون في تقسيم الميراث"

الورثة من الذكور هم: الولد، ابن الابن، الأب، الجد، الأخ الشقيق، الأخ لأب، الأخ لأم، وابن الأخ الشقيق،ابن الأخ لأب، العم الشقيق، العم لأب، ابن العم الشقيق، ابن عم لأب والزوج.

الورثة من النساء: البنت، بنت ابن، الأم، الزوجة، الجدة، الأخت الشقيقة، الأخت لأب والأخت لأم.

س: طب ازاي يتم تقسيم الميراث على كل واحد منهم ؟

ج : فيه أولوية في تقسيم الميراث يعني مثلا لو شخص مات و كان عنده ولد ( ذكر ) ففي الحالة دي هو بيحجب باقي أقاربه من الميراث ما عدا الأب و الأم  ف لو كان للمتوفى أخوة ذكور أو إناث فإنهم لا يرثوا في تلك الحالة و يتم حجبهم من الميراث إما بسبب وجود إبن ذكر او بسبب وجود الأب .

س : طب ازاي بيتم ترتيب هؤلاء الورثة ؟

ج : موضوع ترتيب الورثة ده بيختلف من حالة لأخرى لكن بشكل عام فالموضوع مرتب شرعا و قانونا وفقا لمين هم الورثة الموجودين بعد وفاة المتوفى , و مين اللي يستحق الوصية الواجبة كما سبق و أشرنا في الموضوع في اللينك ده : الوصية و الوصية الواجبة

 طب في حالة لو مافيش ورثة فمن يرث تركة المتوفى ؟

ثانيا : من يرث المتوفى الذي ليس له ولد :

الحالة الأولى : لو  كان والد أو والدة المتوفى على قيد الحياة وكان له زوجة دون أولاد :

في الحالة دي الزوجة هتاخد ربع التركة والأم ليها ثلث الباقي ( يساوي ربع التركة ) و الأب نصيبه الباقي ( نصف التركة)

الحالة الثانية : لو كان والدة المتوفي و زوجته فقط على قيد الحياة دون وجود ابناء للمتوفى او اخوة سواء كان اشقاء ام غير اشقاءف هنا كيف يتم تقسيم التركة :

في الحالة دي الأم ليها ثلث التركة والزوجة لها الربع والباقي يقسم على أصحاب الفروض اللي سبق ذكرهم وفقا لمرتبة كل واحد فيهم في الميراث , طب لو مفيش حد منهم موجود ؟ في الحالة دي الباقي بيرجع للزوجة والأم , الزوجة بتاخد ربع الباقي  و الأم بتاخد باقي التركة .

الحالة الثالثة : لو كانت زوجة المتوفى فقط على قيد الحياة :

في الحالة دي نصيب الزوجة الربع والباقي بيتقسم على أصحاب الفروض اللي سبق ذكرهم وفقا لمرتبة كل واحد فيهم في الميراث , و لو مافيش حد فيهم فالباقي بيترد للزوجة.

و هكذا في باقي الحالات كلها كل واحد بياخد نصيبه الشرعي والباقي  يقسم على أصحاب الفروض اللي سبق ذكرهم وفقا لمرتبة كل واحد فيهم في الميراث و إلا فالوارث الوحيد بيترد إليه باقي التركة .

س : طب في حالة لو ماكانش للمتوفى أقارب إلا شخص واحد من بعيد أو عدة اقارب كيف يتم تقسيم الميراث ؟

ج : في الحالة دي بيتوزع عليهم الميراث بالتعصيب يعني للذكر مثل حظ الانثيين .

س : طب الحالة الأخيرة لو لم يكن للمتوفى أي أقارب كيف يتم تقسيم التركة ؟

ج : في الحالة دي بتؤول يعني تنتقل تركته إلى الدولة لأنه ليس له وريث سواء من ذوي الأرحام (اللي هم سبق ذكرهم ) و لا من الأصهار , وفي حالة لو ظهر للمتوفى اي وريث مستقبلا فإنه يحق له ان يرفع دعوى إعلام وراثة و يحصل على حكم قضائي بعد أن يتأكد القاضي الشرعي المختص من أنه الوريث الشرعي الوحيد و في تلك الحالة يكون من حقه ان يسترد التركة التي انتقلت إلى الدولة بحكم مستقل من المحكمة المختصة بذلك .

و في النهاية زي ما ذكرنا لحضراتكم ف نصيب كل وارث يختلف من حالة لأخرى و من وريث لآخر بل ان احيانا نجد كمان ان الشخص نفسه يختلف نصيبه من حالة لأخرى و عشان كدة يمكن التواصل من خلال موقع المحامي للرد على استشاراتكم القانونية المتعلقة بالتركة و كمان لدينا خدمة تقسيم التركة من خلالنا .